خالصتان کے قیام کیلئے آج (23مارچ) لاس اینجلس امریکہ میں ریفرنڈم کا انعقاد کیا گیا ہے ، سکھ کمیونٹی نے بڑے جوش و خروش سے اس ریفرنڈم میں حصہ لینے کا اعلان کر رکھا ہے۔
سکھ کمیونٹی دہائیوں پر محیط بھارتی ظلم سے اپنی آزادی کے لیے منتظر ہے،خالصتان تحریک کے لیے ریفرنڈم بھارتی سکھوں کے لیے آزادی کی نوید ثابت ہوگا،خالصہ تحریک بھارتی سکھوں کے لیے علیحدٰہ وطن کی تحریک ہے۔
کینیڈین شہری ہردیپ سنگھ نجار کا قتل اس تحریک میں شدت کا باعث بنا، کینیڈین شہری ہردیپ سنگھ کے قتل میں بھارتی خفیہ ایجنسی “را” ملوث پائی گئی،ہردیپ سنگھ کے قتل کے بعد
کینیڈا اور بھارت کے تعلقات کشیدہ ہیں، سکھ رہنماؤں کا دوسرے ممالک میں بے گناہ قتل، بھارت کی ساکھ پر سوالیہ نشان ہے؟،بھارت غیر ملکی دہشتگردی میں اس سے قبل بھی بارہا ملوث رہا ہے،سکھ ہوں یا مسلمان بھارت میں تمام اقلیتیں غیر محفوظ ہیں۔
یہ ریفرنڈم بھارت کے لیے پیغام ہےکہ سکھ برادری دنیا میں کہیں بھی ہو وہ آزاد ہے۔
